How the family should help the stroke victim

گھر والوں کو فالِج کے مریض کی کیسے مد د کرنی چاھیئے

۱ ----- کوشش کیجیئے کہ فالج اور ایفیزیا کے بارے میں معلومات حاصل کیجئے،تاکہ  جس حالت میں سے مریض گزر رہا ہے، اُس حالت کوآپ خود بھی بہتر طور پرسمجھ پایئں-

۲ ------ کہاں تک مریض کی عملی صلاحیتیں اور جسمانی قابلیت موجود ہیں اور کہاں تک زایئل ھو چکیں ھیں- اس بات کوتسلیم کر لیں اور اس بات کوھمیشہ خیال میں رکھیں۔

۳ ------ یاد رہے کہ مریض کو ھمیشہ کسی ماہرِ اعصاب یا ڈاکٹر کی نگرانی میں رہنا چاہیئے۔              اگر آپ ایسے ڈاکٹروں کا پتہ نہ لگا سکیں تونزدیکی ڈسٹرکٹ ہسپتال چلے جایئے، جہاں             یا تو ایسا ڈاکٹر موجود ھو گا یا پھر آپ کو ماہرِ اعصاب یعنی دماغ کے ماہر ڈاکٹر کا               پتہ مل جایئے گا۔ ویسے ھی ہسپتال میں دوبارہ بحالی کی سہولتیں بھی دستیاب ھونگی۔

۴ ------- جیسے ھی فالج کا حملہ ھوتو مریض کا علاج جلد از جلد شروع ھو جانا چاہیئے۔ یہ                 علاج زبان (سپیچ تھراپی)، جسمانی (فزیو تھراپی) اور معاشی (آکیوپیشنل تھراپی) پر مبنی ہے-                                                                            

۵ ------- مریض کے لئے بات چیت کرنے کے ہر موقع کی حوصلہ افزائی کیجئے۔ مریض کی                گننےمیں، اعدادوشمار سمجھنے میںں، ھندسے استعمال کرنے میں، دنوں کے نام بتانے              میں حصلہ افزائی ضروری ہے- اس طریقے کی اک اور مثال یوں ہے کہ مریض اپنے             آپ ھی یہ کہے کہ سلام،نمستے، جئے ھند، یا بیٹھئے اور آپ مریض کی حصلہ افزائی کریں-                                                                                              

۶ ------- مریض کی کامیابیوں پر اُس کی تعریف کیجئے خواہ وہ کتنی ھی معمولی کیوں نہ ھوں-

۷ ------- ڈاکٹر کی اجازت کے مطابق مریض کو گھریلو،خاندانی اور سماجی سرگرمیوں میں مصروف رکھیں-                                                                 

۸ ------- مریض کے روزمرہ کے اوقات اور معمول کی پابندی کریں- مثال کے طور پر جِس                   وقت مریض ناشتہ کرتا ھے۔ باہر برآمدے میں بیٹھنا چاہتا ہے۔ نماز پڑھتا ہے- ٹی وی               دیکھتا ہے وغیرہ وغیرہ۔ اِس معمول کے مطابق چلنے سے مریض کی خود اعتمادی                بڑھے گی اور اگر اِس معمول میں اچانک کوئی تبدیلی آئے گی تو مریض اُس تبدیلی             کی وجہ سے حوصلہ نہ ہا رے- 
                                                      
۹ ------- مریض کو دن میں تھوڑے تھوڑے وقفے کے بعد آرام کرنا بہت ضروری ہے۔ فالج کے           مریض آرام کے بعد اکثر بہتر بات چیت کرنے کے قابل ھوتے ہیں۔ اور آرام کے بعد                  تازہ ترھو کر بہترکارکردگی کی طرف رجحان کا اظہار کرتے ہیں۔ اِس موقع پر مریض  کو مزید بول چال کی تربیت دی جا سکتی ہے۔                                     

۱۰ ------- ہمیشہ یاد رہے کہ مریض آپکے خاندان کا پہلے کی طرح کا ایک بالغ اور ضروری                 فرد ہے- اِس لیئے مریض کو زندگی کے ہر اُن فیصلوں میں اُسی طرح شامل کریں-      جیسے کہ فالج ھونے سے پہلے وہ شامل ھوتا تھا-

۱۱ -------- مریض کی ضرورتوں کا احساس کریں- اکثر وہ دوست اور رشتہ دار جو مریض کی                 بیماری سے اپنے آپ کو واقف نہ کر سکیں، ان سے ملنا جلنا مریض کے لئے مشکل                بن جاتا ہے اور مریض اُن سے ملنے سے کتراتا ہے، اِس لیئے مریض کی خواہشات               کا احترام کریں اوراُ سکو اُن صورتِ حالات سے صرف آہستہ آہستہ متعارف کرائیں-

۱۲ ------- بعض مریض کبھی کبھی گالی گلوچ اور غیر مُہذ ہب عمل کر بیٹھتے ہیں، جِن پر اُن                کو شعوری طور پر کوئی قابو نہیں ھوتا۔ اگر ایسا ھو، تو آپ کو ایسی صورت       کوخاموشی سے درگزر کر دینا چاہیے۔                                                                                                                       
۱۳ ------- اگر مریض بغیر کسی وجہ کے رونے لگے تواُس کے رونے کو نظر انداز کر دیجئے اور جو کچھ بھی آپ کر رہے ھوں اُس وعمل کو جاری رکھئیے۔